ဥပေက္ခာ- (လျစ်လျူရှုခြင်း)

အဘယ်သို့လျှင် ရဟန်းသည် လျစ်လျူရှုခြင်း {ဥပေက္ခာ} နှင့်ယှဉ်သော စိတ်ဖြင့် တစ်ခုသော အရပ်မျက်နှာကို ပျံ့နှံ့စေ၍ နေသနည်း။

ဥပမာအားဖြင့် နှလုံးကို ပွါးစေတတ်သည်လည်း မဟုတ်၊ နှလုံးကို မပွါးစေတတ် သည်လည်း မဟုတ်သော ပုဂ္ဂိုလ်တစ်ယောက်ကို မြင်လျှင် လျစ်လျူရှုခြင်း {ဥပေ က္ခာ} ဖြစ်သကဲ့သို့ ထို့အတူ သတ္တ၀ါအားလုံးတို့ကို လျစ်လျူရှုခြင်း {ဥပေက္ခာ} ဖြင့် ပျံ့နှံ့စေ၏။
ထိုတွင် အဘယ်သည် လျစ်လျူရှုခြင်း {ဥပေက္ခာ} မည်သနည်း ?

သတ္တ၀ါတို့၌ အကြင် လျစ်လျူရှုခြင်း {ဥပေက္ခာ}၊
လျစ်လျူရှုသော အခြင်းအရာ {ဥပေက္ခာယနာ}၊
လျစ်လျူရှုတတ်သည်၏အဖြစ် {ဥပေက္ခာယိတတ္တ}၊
ဥပေက္ခာဟူသော၊ စိတ်၏ ဆန့်ကျင်ဘက် တရားတို့မှ
လွတ်မြောက်ကြောင်းသဘော {{ဥပေက္ခာစေတောဝိမုတ္တိ}} သည် ရှိ၏။
ဤသဘောကို လျစ်လျူရှုခြင်း {ဥပေက္ခာ} ဟု ဆိုအပ်၏။

ထိုတွင် အဘယ်သည် {{စိတ်}} မည်သနည်း ?

အကြင် ဆန်းကြယ်မှု {စိတ္တ}၊
သိမှု သဘော {မန}၊
သိခြင်းသဘော {မာနသ}၊
အတွင်း၌ ဖြစ်သောသဘော {ဟဒယ}၊
ဖြူစင်သောသဘော {ပဏ္ဍရ}၊
သိမှု ဖြစ်ရာဌာန {မနာယတန}၊
အစိုးတရ သိမှု {မနိနြေ္ဒ}၊
အထူးသိမှု {၀ိညာဏ}၊
အထူးသိမှု အစု {၀ိညာဏက္ခန္ဓာ}၊
ထိုစိတ် အားလျော်သော အထူးသိမှု သဘော {တဇ္ဇာမနောဝိညာဏဓာတ်}။
ဤသဘောကို စိတ်ဟု ဆိုအပ်၏။
ဤစိတ်သည် လျစ်လျူရှုခြင်း {ဥပေက္ခာ} နှင့်တကွ အဖြစ်သို့ ရောက်၏၊
တကွဖြစ်၏၊ နှီးနှော၏၊ ယှဉ်၏၊
ထို့ကြောင့် {{လျစ်လျူရှုခြင်း {ဥပေက္ခာ} နှင့်ယှဉ်သော စိတ်ဖြင့်}} ဟု ဆိုအပ်၏။

{{တစ်ခုသော အရပ်မျက်နှာကို}} ဟူသည်ကား …
အရှေ့အရပ်မျက်နှာ၊
အနောက်အရပ်မျက်နှာ၊
မြောက်အရပ်မျက်နှာ၊
တောင်အရပ်မျက်နှာ၊
အထက်အရပ်မျက်နှာ၊
အောက်အရပ်မျက်နှာ၊
ဖီလာအရပ်မျက်နှာ၊
အထောင့်အရပ်မျက်နှာကို (ဟု ဆိုအပ်၏)။

{{ပျံ့နှံ့စေ၍}} ဟူသည်ကား ဥပေက္ခာစိတ်ကို ဖြန့်၍၊ ဥပေက္ခာစိတ်ကို လွှတ်၍။
{{နေ၏}} ဟူသည်ကား။ပ။ ထို့ကြောင့် {{နေ၏}} ဟု ဆိုအပ်၏။

{{ထို့အတူ နျစ်ခုမြောက်သော အရပ်ကို}} ဟူသည်ကား တစ်ခုသော အရပ် မျက်နှာကိုကဲ့သို့ ထို့အတူ နှစ်ခုမြောက်သော အရပ်မျက်နှာကို၊ ထို့အတူ သုံးခု မြောက်သော အရပ်မျက်နှာကို၊ ထို့အတူ လေးခုမြောက်သော အရပ်မျက်နှာကို၊ ထို့အတူ အထက်အရပ်မျက်နှာကို၊ ထို့အတူ အောက်အရပ်မျက်နှာကို၊ ထို့အတူ ဖီလာအရပ်မျက်နှာကို၊ ထို့အတူ အထောင့်အရပ်မျက်နှာကို (ဟု ဆိုအပ်၏။)

{{အလုံးစုံသော အရပ်မျက်နှာတို့၌ သတ္တ၀ါအားလုံးတို့၌ မိမိနှင့် အတူပြု၍ သတ္တ၀ါအားလုံးပါဝင်သော သတ္တလောကကို}} ဟူသော ဤစကားသည် အလုံးစုံ အားဖြင့် သတ္တ၀ါအားလုံးကို အလုံးစုံသော အခြင်းအရာအားဖြင့် သတ္တ၀ါအားလုံး ကို အကြွင်းမရှိအောင်၊ အကျန်မရှိအောင် သိမ်းကျုံး၍ဆိုသော စကားတည်း။ ထို့ကြောင့် {{အလုံးစုံသော အရပ်မျက်နှာတို့၌ သတ္တ၀ါအားလုံးတို့၌ မိမိနှင့် အတူ
ပြု၍ သတ္တ၀ါအားလုံး ပါဝင်သော သတ္တလောကကို}} ဟု ဆိုအပ်၏။

{{လျစ်လျူရှုခြင်း {ဥပေက္ခာ} နှင့် ယှဉ်သော စိတ်ဖြင့်}} ဟူရာ၌ အဘယ်သည် လျစ်လျူရှုခြင်း {ဥပေက္ခာ} မည်သနည်း။
သတ္တ၀ါတို့၌ အကြင် လျစ်လျူရှုခြင်း {ဥပေက္ခာ}၊
လျစ်လျူရှုသော အခြင်းအရာ {ဥပေက္ခာယနာ}၊
လျစ်လျူရှုတတ်သည်၏ အဖြစ် {ဥပေက္ခာယိတတ္တ}၊
ဥပေက္ခာဟူသော၊ စိတ်၏ ဆန့်ကျင်ဘက် တရားတို့မှ
လွတ်မြောက်ကြောင်းသဘော {ဥပေက္ခာစေတောဝိမုတ္တိ} သည် ရှိ၏။
ဤသဘောကို လျစ်လျူရှုခြင်း {ဥပေက္ခာ} ဟု ဆိုအပ်၏။

ထိုတွင် အဘယ်သည် {{စိတ်}} မည်သနည်း ?

အကြင် ဆန်းကြယ်မှု {စိတ္တ}၊ သိခြင်းသဘော {မန}၊ သိမှု သဘော {မာနသ}။ပ။ ထိုစိတ် အားလျော်သော အထူးသိမှု သဘော {တဇ္ဇာမနောဝိညာဏဓာတ်} သည် ရှိ၏။ ဤသဘောကို စိတ်ဟု ဆိုအပ်၏။

ဤစိတ်သည် ဤလျစ်လျူရှုခြင်း {ဥပေက္ခာ} နှင့်တကွ အဖြစ်သို့ ရောက်၏၊
တကွဖြစ်၏၊ နှီးနှော၏၊ ယှဉ်၏။
ထို့ကြောင့် {{လျစ်လျူရှုခြင်း ]ဥပေက္ခာ} နှင့် ယှဉ်သော စိတ်ဖြင့်}} ဟု ဆိုအပ်၏။

{{ပြန့်ပြောသော}} ဟူရာ၌ ပြန့်ပြောခြင်းဟူသည် များမြတ်ခြင်းတည်း၊
များမြတ်ခြင်းဟူသည် အပိုင်းအခြား မရှိခြင်းတည်း၊
အပိုင်းအခြား မရှိခြင်းဟူသည် ရန်မရှိခြင်းတည်း၊
ရန်မရှိခြင်းဟူသည် ကြောင့်ကြ မရှိခြင်းတည်း။

{{ပျံ့နှံ့စေ၍}} ဟူသည်ကား ဥပေက္ခာစိတ်ကို ဖြန့်၍၊ ဥပေက္ခာစိတ်ကို လွှတ်၍။
{{နေ၏}} ဟူသည်ကား။ပ။ ထို့ကြောင့် {{နေ၏}} ဟု ဆိုအပ်၏။

သုတ္တန္တဘာဇနီယနည်း(အကျယ်)၊ အပ္ပမညာဝိဘင်္ဂင်္င်္၊ ၀ိဘင်းပါဠိတော်။

မှတ်သားဖွယ်ရာများ

အပါယ်လေးပါးဆိုသည်ကား။

၁။ ငရဲ                   …….. ချမ်းသာ အနည်းငယ်မရှိပဲ ၊ မီးတောက် မီးလျှံ ဓါးလှံ စက်တို့၌ ခံရခြင်းကို ငရဲဟု ခေါ်ပါသည်။

၂။ တိရစ္ဆာန်            …….. တရားကို မသိ ၊ စားခြင်း အိပ်ခြင်း မေထုန်မှီဝဲခြင်းကိုသာသိသော ၊ မဂ်ဖိုလ်မှ ဖီလာကန့်လန့်ဖြစ်သော သတ္တ၀ါ။

၃။ ပြိတ္တာ                …….. ချမ်းသာသုခမှ ကင်းဝေးသော ဖုတ် တစ္ဆေ စသောသတ္တ၀ါ။

၎။ အသူရကာယ်       …….. စည်းစိမ်ချမ်းသာ မြူးထူးခြင်း စသည်တို့ဖြင့် မမြူးထူးမထွန်းပတက်သော သတ္တ၀ါ။

(နေ့စံ၍ ညဉ့်ခံ ၊ ညဉ့်စံ၍ နေ့ခံသော သတ္တ၀ါ)

 

ကပ်သုံးပါး ။

၁။ ဒုဗ္ဘိက္ခန္တရကပ်      …….. အစာခေါင်းပါး ငတ်မွတ်ခြင်းကြောင့် များစွာသေကြေပျက်စီးခြင်း။

၂။ သတ္တန္တရကပ်      …….. သေစေတက်သော ဓါး ၊ လှံ ၊ သေနတ် စသောလက်နက်တို့ဖြင့် အချင်းချင်းတိုက်ခိုက်ထိုးခုတ်၍ များစွာ သေကြေပျက်စီးခြင်း။

၃။ ရောဂန္တရကပ်       …….. ကူးစက်တက်သော အနာရောဂါ ကျရောက်သဖြင့် များစွာသေကြေ ပျက်စီးခြင်း။

(ကပ် – ကာလအပိုင်းအခြား)

 

အရပ်ပြစ်ရှစ်ပါး။

၁။ ငရဲ                   …….. ချမ်းသာအလျဉ်းမရှိသောအရပ်။

၂။ တိရစ္ဆာန်            …….. မဂ် ဖိုလ်မှ ဖီလာကန့်လန့်ဖြစ်သော သတ္တ၀ါ။

၃။ ပြိတ္တာ                …….. ချမ်းသာသုခကင်းဝေးသော ဖုတ်-တစ္ဆေ စသောသတ္တ၀ါ။

၎။ အသညဇော        …….. အရူပဘုံ ၊ အသညသတ်ဘုံ။

၅။ ပစ္စန္တရော            …….. ရတနာသုံးပါး မတည်၍ ရိုင်းစိုင်းသော သူတို့အရပ်။

၆။ ၀ိကလိန္ဒြိယ         …….. ပဋိသန္ဓေအားဖြင့် ကျိုး ၊ ကန်း ၊ ဆွံ့အ သောသူအဖြစ်။

၇။ မိစ္ဆာဒိဌိ             …….. မှားသောအယူကိုယူသော မိစ္ဆာဒိဌိတက္ကဒွန်းဖြစ်ရခြင်း။

၈။ ဗုဒ္ဓသုညော တိဟေတုကော …….. ဘုရားမရှိသော အခါကာလ၌ တိဟိတ်ပဋိသန္ဓေ နေသောသူ။

(အရပ်ပြစ်ရှစ်ပါး – မဂ်ကိုရခြင်းမှ ကင်းသောအရပ် ၈-ပါး)

 

 

ရန်သူမျိုးငါးပါး။

၁။ မီး                    …….. လောင်ကျွမ်းစေတက်သော ဓါတ်တစ်မျိုး။

၂။ ရေ                   …….. သောက် ၊ ချိုး ၊ ဖွတ် ၊ လျှော် ဆေးကြောရသော အရည်ဓါတ်တစ်မျိုး။

၃။ မင်း                   …….. ရေ မြေ ကို အစိုးရသော လောကသမုတိနတ်။

၎။ ခိုးသူ                 …….. သူတစ်ပါး ပစ္စည်းကို မသိအောင် တိတ်တဆိတ် ယူတက်သောသူ။

၅။ အချစ်မနှစ်သက်သောသူ …….. မိမိကိုမုန်း၍ ပျင်စီးရာ ပျက်စီးကြောင်း ကြံတက်သူ။

 

ဝိပတ္တိတရားလေးပါ။

၁။ ဂတိဝိပတ္တိ           …….. အပါယ်လေးဘုံ၌ဖြစ်ခြင်း။

၂။ ဥပဓိဝိပတ္တိ           …….. ယုတ်ညံ့သော အတ္တဘောကို ရခြင်း။

၃။ ကာလ၀ိပတ္တိ        …….. မကောင်းသော မင်းတို့၏ လက်ထက်ဟု ဆိုအပ်သောကာလ။

၎။ ပယောဂ၀ိပတ္တိ      …….. မကောင်းသောလုံ့လရှိခြင်း။

(၀ိပ္ပတ္တိ – ပျက်စီးခြင်း ၊ ဖေါက်ပြန်ခြင်း)။

 

ဗျသနတရားငါးပါး။

၁။ ညာတိဗျသန        …….. အဆွေအမျိုးတို့ ပျက်စီးခြင်း။

၂။ ဘောဗျသန         …….. စည်းစိမ်ဥစ္စာအရာအထူးတို့ ပျက်စီးခြင်း။

၃။ ရောဂဗျသန         …….. အနာရောဂါကြောင့် ပျက်စီးခြင်း။

၎။ သီလဗျသန         …….. ကောင်းသော အကျင့်သီလ ပျက်စီးခြင်း။

၅။ ဒိဌိဗျသန            …….. ကောင်းသောအယူဝါဒ ပျက်စီးခြင်း။

 ဒုစရိုက်တရား။

ဒုစရိုက်သည် – မကောင်းသောအကျင့်ကို ဆိုပါသည်။

ဒုစရိုက်သည် – အကုသိုလ်ဖြစ်ပါသည်။

ကာယကံ ၃-ပါး ၊ ၀စီကံ ၄-ပါး ၊ မနောကံ ၃-ပါး အားဖြင့် ဒုစရိုက် ၁၀-ပါး ဖြစ်ပါသည်။ ဒုစရိုက် ၁၀-ပါး တို့တွင် တစ်ပါးပါးကို ကမ္မပထမြောက်အောင် လွန်ကျူးမိပါက အပါယ်လေးပါးသို့ လားစေတက်သောကြောင့်၎င်း ၊ ကမ္မပထ မမြောက်သော ဒုစရိုက်သည် ဖြစ်လေရာဘ၀၌ အခွင့်သာသောအခါ ဆင်းရဲစွာသော မကောင်းကျိုးကို ဖြစ်စေတက်သောကြောင့်၎င်း ၊ ဗုဒ္ဓဘာသာဝင်ဖြစ်သူ အပေါင်းတို့သည် ဒုစရိုက် ၁၀-ပါးကို ကောင်းစွာရှောင်ကြဉ်ရာ၏။

 

 

စန္ဒာသူရိယ ဘလောင်္ဂမောင်နှမတစ်စုရဲ့အလှူ

စန္ဒာသူရိယ ဘလောင်္ဂမောင်နှမ တစ်စုရဲ့ အလှူပါ။ ပဲခူးတိုင်း၊ ကျောက်တန်းရွာ၊ ဝေဠုဝန် ဘုန်းတော်ကြီးသင် ပညာရေးပရဟိတကျောင်း မှာ နိုဝင်ဘာလ ၆ရက် ၂၀၁၁ ခုနှစ် မှာကျင်းပတဲ့ ပဉ္စမအကြိမ်မြောက် ပလန်းနက်မောင်နှမများ၏ ကထိန်နှင့် ပရဟိတအလှူပွဲကြီးမှာ လှူဒါန်းခဲ့ခြင်းဖြစ်ပါတယ်။ လာရောက်ဖတ်ရှုသူ အပေါင်းကို ကျွန်တော်တို့မောင်နှမတစ်စု နည်းတူ ကြည်နူးပီတိဖြစ်စေရန် တင်ပေးလိုက်ခြင်း ဖြစ်ပါတယ်။

ခိုင်ခိုင်မြဲမြဲ မင်္ဂလာ

“သင်ဟာ အသိဥာဏ်များလည်း ပြည့်စုံကောင်း ပြည့်စုံနေမယ် ။ ရာထူးဂုဏ်သိန် စည်းစိမ် ဥစ္စာများလည်း ပြည့်စုံကောင်း ပြည့်စုံနေမယ်။ အရွယ်ကြီးလို့ ဆံပင်များလည်း ဖြူကောင်း ဖြူနေမယ်။ သို့သော် ထိမ်းမြားလက်ထပ်ခြင်း မပြုရသေးသမျှ လူလားမမြောက်သေး” တဲ့။ ပတ်ဝန်းကျင်မှာ သတိထားမိခဲ့တဲ့ ဇနီးမောင်နှံနှစ်မျိုးအကြောင်းကို အရင်ပြောချင်တယ်။

(၁) သဲသဲကွဲကွဲ ဇနီးမောင်နှံနဲ့

(၂) မသဲမကွဲ ဇနီးမောင်နှံတို့အကြောင်းပါ။

သဲသဲကွဲကွဲ ဇနီးမောင်နှံဆိုတာ `မျက်စိအောက်က ပျောက်မှာပင် လွန်စိုးတယ်´ ဆိုတဲ့ စိတ်ကူးယဉ် စကားကို ဘ၀လမ်းညွှန်ထင်ပြီး အဖြစ်သည်းလိုက်နာကြတဲ့ ဇနီးမောင်နှံမျိုးကို ပြောတာ…. အလုပ်သွားတာ၊ ဈေးသွားတာမျိုးကို တောင် စိတ်မချနိုင်တာတို့၊ သူငယ်ချင်း အပေါင်းအသင်း ဟောင်းတွေ့လို့ တရင်းတနှီး နှုတ်ဆက် တာကိုတောင် မနာလို မရှုစိမ့်နိုင်တာတို့ ၊ မကျေမနပ် ပူကြဆူကြတာတို့ လုပ်နေတဲ့ ငြူငြူစူစူ အူတူတူဆိုတဲ့ စုံတွဲမျိုးပေါ့၊`စိတ်မချနိုင်ဘူး´ ဆိုတာ ဓမ္မဓိဌာန် ကျကျ ကောက်ချက်ချကြည့်ရင် အချင်းချင်း ယုံကြည်မှုမရှိတဲ့ သဘောပါပဲ။ နောက်ဆက်တွဲအနေနဲ့ ဒေါသ ကိလေသာ စိတ်ရိုင်း စိတ်ပူတွေ တသီကြီး ဖြစ်တတ်တာမို့ ဒီလိုစုံတွဲမျိုးဟာ မေတ္တာဗြဟ္မစိုရ်တရား ကင်းမဲ့တဲ့ ကိလေသာ စိတ်သက်သက်နဲ့ စုံတွဲမျိုးလို့ပဲ ဆိုရမှာပါ၊ ကိလေသာဆိုတဲ့သဘောက ပထမတော့ လိုလားတောင့်တမျှော်လင့်တယ်၊ မျှော်လင့်သလို ဖြစ်မလာတော့ ဒေါသတွေ၊ သောကတွေ၊ မနာလိုဝန်တိုတွေ ဖြစ်လာရတာ ဓမ္မတာပဲ….ကြာတော့ တဖြည်းဖြည်း စိတ်ဝမ်းတွေ ကွဲလွဲလာရင်း နောက်ဆုံး ဇနီးမောင်နှံ ကွဲကြတဲ့အထိ ရောက်ကြကုန်ရော၊ မျှော်လင့်ချက် တစ်ခုတည်းနဲ့ လက်တွဲသူ မှန်သမျှ ဒီလိုပဲ၊ အစမှာတော့ သည်းကြတယ်၊ နောက်တော့ ကွဲကြတာပဲ၊ မြတ်စွာဘုရား ဟောကြားတာက `မေတ္တာသိနေဟ´ မေတ္တာဆိုတာ ခိုင်မြဲအောင် တွဲကပ်ပေးတဲ့ အစေးဓာတ်တဲ့။ ဒီအစေးဓာတ်မပါရင် ကြာကြာမတွဲနိုင်ဘူး၊ ကွဲတတ်တာပဲ၊ ခု ကာလစကားနဲ့ဆိုရင် ဒီလိုစုံတွဲမျိုးကို ရွှေရည်စိမ်စုံတွဲ၊ ဆေးဆိုးပန်းရိုက်စုံတွဲ၊ ဒါမှ မဟုတ် `အင်တွဲ´တွေလို့များ ပြောရမလားပဲ။ ထိမ်းမြားလက်ထက် တယ်ဆိုတာ လူလားမြောက်ပါပြီလို့ ကြွေးကြော်ပြီး လောကဓံကို စိန်ခေါ်လိုက်တာဖြစ်လို့ တစ်ယောက် မျက်နှာ တစ်ယောက်ကြည့်နေဖို့ အချိန်မဟုတ်တော့ဘူးနော်… ဘ၀တစ်သက်တာကို ရည်မှန်းပြီး နှစ်ကိုယ့်တစ်စိတ်နဲ့ အတူလက်တွဲရင်း လောကဓံတိုက်ပွဲကို ရင်ဆိုင်ဖို့ ခြေလှမ်းစ ကြတာ… ၀မ်းသမုဒ္ဒရာ မခန်းခြောက်ရအောင် အူသိမ်အူမဆိုတဲ့ မြစ်ချောင်းတွေ မှန်မှန် စီးဆင်းနိုင်ရေးအတွက် ရုန်းကန်လှုပ်ရှားခြင်းဆိုတဲ့ မိုးလေ၀သမှန်ကန်ဖို့ အဓိကထားရမယ့် အချိန်ရောက်ပြီ ….ဒီလိုခံယူချက်မျိုးရှိကြတဲ့ ဇနီးမောင်နှံဆိုတာ မူလကတည်းက ဘ၀ တစ်သက်တာ အတွက် တူညီတဲ့ ခံယူချက်တွေ၊ တူညီတဲ့ ယုံကြည်ချက်တွေနဲ့ လက်တွခဲ့ကြတာ ဖြစ်လို့ အဖြစ်မသည်းကြတော့ဘူး …. နားလည်နိုင်စွမ်း ၊ ခွင့်လွှတ်နိုင်စွမ်း ရှိကြတယ်… ဘ၀ တစ်သက်တာအထိ အပြန်အလှန်အကျိုးလိုလားတဲ့ မေတ္တာအစေးဓာတ်နဲ့ တွယ်ကပ်ထားတာ ဖြစ်လို့၊  စိတ်မချတာတို့ မနာလိုဝန်တိုဖြစ်တာတို့ဆိုတဲ့ ကိလေသာ အပူဓာတ်လည်း မပြင်းထန် ကြတော့ဘူး …. တချို့ငယ်ပေါင်း ဇနီးမောင်နှံတွေ ဆိုရင် ပြောသံ ဆိုသံမှာ နင် – ငါ – ဟေ့ – ဟဲ့ ဆိုတဲ့အသံတွေ လွှမ်းနေတတ်ကြလို့ နဘေးက ကြားရသူတွေက ဟုတ်မှ ဟုတ်ပါ့မလားလို့တောင် ထင်ရတယ်။ ဟန်ဆောင်တာ အဖြစ်သည်းတာတွေ မပါတော့ ပြောသံဆိုသံကလည်း မပြစ်ချွဲတော့ ဘူးပေါ့ … သူတို့ အဖြစ်မသည်းတာကို ကြည့်ပြီး အချစ်နည်းတယ်လို့ မထင်လိုက်လေနဲ့။ ယုံကြည်စိတ်ချလို့ အနည်ထိုင်ပြီး အချစ်မြဲသွားကြတာ။ အနည်ထိုင်တယ်ဆိုလို့ အသားသေပြီး အေးစက်မာခဲသွားတယ်လည်း မထင်လေနဲ့၊ မဟုတ်ဘူး၊ ရှင်သန်နေတဲ့ အနှစ်လိုပဲ မာပေမယ့် မခဲဘူး…. အမြဲကြီးထွားနေတာ … ပင်စည်နဲ့ လိုက်ဖက်အောင် အနှစ်က ကြီးထွားနေလိုက်တာ … ဒါကြောင့်လည်း သားသမီးတွေကနေ မြေးတွေမြစ်တွေအထိ အသိုက်အအုံကြီးလာလေလေ သူတို့ မေတ္တာဓာတ်က ကြီးမားကျယ်ပြန့်လာလေ ဖြစ်နေကြတာပေါ့ ….. လူလားမြောက်ပြီးကြတဲ့ ဇနီး မောင်နှံ တို့အနေနဲ့ ရာသက်ပိုင်ခိုင်မြဲရေးမှာ အချင်းချင်း ယုံကြည်စိတ်ချမှုဟာ အဓိကဖြစ်တဲ့အတွက် အချင်းချင်းယုံကြည်လောက်တဲ့ ကိုယ်ကျင့်တရားကို အခိုင်အမာ စောင့်စည်းတည်ဆောက်ကြပြီး ထမ်းဆောင်ရမည့် မင်္ဂလာတာဝန်တွေကို ကျေပွန်အောင် ထမ်းဆောင်နိုင်တဲ့ မင်္ဂလာဆောင်သူ စစ်စစ်များဖြစ်အောင် ကြိုးစားကြပါ ….အဲလိုမဟုတ်ရင်တော့ မင်္ဂလာဆောင်ကြသူတွေ မဖြစ်ဘဲ အိမ်ထောင်ကျသူတွေပဲ ဖြစ်သွားလိမ့်မယ်…. ထောင်ဆိုတာ တာဝန်မဲ့သူ၊ စည်းကမ်းဥပဒေ ချိုးဖောက်သူတွေ ကျရောက်ရမယ့် လွတ်လပ်ပျော်ရွှင်မှုအားလုံး ဆိတ်သုဉ်းရာ အကျဉ်းစခန်းကြီး ဖြစ်တယ်ဆိုတာ အားလုံးသိပြီးသားပဲ … အိမ်ထောင်ဆိုတာကလည်း  မိသားစုတာဝန်ပျက်ကွက်သူ၊ ကိုယ်ကျင့်တရားချိုးဖောက်သူတွေ ကျရောက်နေရတဲ့ လွတ်လပ်ပျော်ရွှင်မှုတို့  ဆိတ်သုဉ်းရာ နေရာ ကို ခေါ်တာပါ … ကိုယ့်ကျင့်တရား ခိုင်မာသူ၊ တာဝန်ကျေသူတို့အတွက်တော့ ကောင်းကျိုးချမ်းသာ ကျက်သရေ မင်္ဂလာအတိပြီးတဲ့ ပျော်ရွှင်စရာ သီရိဂေဟာကြီး ဖြစ်ကြမှာပါ …. ဒီလို အခိုင်အမာ ယုံကြည်လက်ခံကြပြီး မင်္ဂလာတွေ မပြတ်ဆောင်နိုင်ကြတဲ့ ဇနီးမောင်နှံများ ဖြစ်နိုင်ကြပါစေ ….။

ကျမ်းကိုး။     ခိုင်ခိုင်မြဲမြဲ မင်္ဂလာ [ဓမ္မဘေရီ အရှင် ၀ီရိယ (တောင်စွန်း)]

တရားနာခြင်း အကျိုး ၅ မျိုး

ရဟန်းတို့၊ တရားနာခြင်း အကျိုးအာနိသင်တို့သည် ဤ ၅ မျိုးတို့တည်း။

အဘယ် ၅ မျိုးတို့နည်းဟူမူကား –

၁။ မကြားဖူးသည်ကို ကြားနာရ၏။

၂။ ကြားဖူးသည်ကို ဖြူစင်စေ၏။

၃။ ယုံမှားမှုကို ကူးမြောက်နိုင်၏။

၎။ အယူကို ဖြောင့်မတ်စွာ ပြုနိုင်၏။

၅။ ထိုသူ၏ စိတ်သည် ကြည်လင်၏။

ရဟန်းတို့ တရားနာခြင်း၌ အာနိသင်တို့သည် ဤ ၅ မျိုးတို့တည်း ဟု မိန့်တော်မူ၏။

ဓမ္မဿဝနသုတ်၊ ကိမိလ၀ဂ်၊ အင်္ဂုတ္တိုရ်ပါဠိတော်။

ဘုရားရှင် ပေးဆပ်ခဲ့ရတဲ့ ၀ဋ်ကြွေးတော် ဘယ်နှစ်ပါးရှိသလဲ

မည်သူမဆို ကုသိုလ်ပြုက ကုသိုလ်အကျိူး(ကုသလ၀ိပါတ်)ကို ရရှိမည်ဖြစ်ပြီး အကုသိုလ် အမှုကို ပြုပါက အကုသိုလ်၏ အကျိူး(အကုသလ၀ိပါတ်)ကို ခံကြပေလိမ့်မည်။ သံသရာမှ
မလွတ်မချင်း မိဃာကကံ ပာုခေါ်သော ကုသိုလ်၊ အကုသိုလ်ကံ တို.၏ အကျိူးပေးခြင်းကို ခံရပေလ်ိမ့်မည်။
“၀ဋ်မှာအမြဲ ၊ ငရဲမှာအပ” ဆိုသည့်အတိုင်း ၀ဋ်ကြွေးရှိပါက ပြန်လည်ပေးဆပ်ကြရစမြဲပင်။
ဤ၌ လူ ၊ နတ် ၊ ဗြပ္မာာတို.၏ ပတ္တမြားသင်းကျစ် ဖြစ်တော်မူသော ဘုရားရှင်ပင် လျှင် နုစဉ် ကာလ ကျူးလွန်မိသော အကုသိုလ်ကံ၏ အကျိူးဝိပါတ်(၁၂) ပါးကိုပေးဆပ်ခဲ့ရပါသေးသည်။ လူတို.သည် မကောင်းသော ကာယကံမှု ၊ ၀စီကံမှု ၊ မနောကံမှု တို.ကြောင့် သံသာ၌ အနာရောဂါဖြစ်ခြင်း ၊ ဘေးဖြစ်ခြင်း ၊ ဆင်းရဲခြင်းတို.ကို ခံစားကြရသည် ။ မြတ်စွာဘုရားရှင်သည်လည်း အလောင်းတော်ဘ၀က ပြုမှားမိသော အကျိုးကို ခံခဲ့ရသည်။ ဘုရာရှင် ပေးဆပ်ခဲ့ရသော ၀ဋ်ကြွေးတော် (၁၂)ပါးမှာ-
၁ ။ ဒုက္ကရစရိယာအကျင့်ကို ခြောက်နှစ်တိုင် ကျင့်ရခြင်း ၊
၂ ။ စိဉ္ဖမာဏ၀ိကာ၏ မပာုတ်မမှန် စွပ်စွဲမှုကို ခံရခြင်း ၊
၃ ။ သုန္ဒရီပရိဗိုဇ်မ ၏ စွပ်စွဲမှုကို ခံရခြင်း ၊
၎ ။ သုန္ဒရီပရိဗိုဇ်မ သေသောကြောင့် မင်းနှင်တကွ ပြည်သူတို.၏ ယုံမှားသံသယဖြင့် စွပ်စွဲသည်ကို ခံရခြင်း ၊
၅ ။ ဒေ၀ဒတ်က ကျောက်တုံးများဖြင့် လုပ်ကြံသည်ကိုရင်ဆိုင်ရခြင်း ၊
၆ ။ ကျောက်ချပ်ပဲ့ထွက် လွင့်စင်ပြီး ခြေမတော်ကို ထိမိကာ သွေးစိမ်းရှင်ရှင် ထွက်ရခြင်း ၊
၇ ။ ဒေ၀ဒတ်ကြောင့် ခြေမတော် သွေးစိမ်းတည်၍ သမားတော်ကြီး ဇီဝကမှ ဓားဖြင့် ခွဲသည်ကို ခံရခြင်း ၊
၈ ။ နာဠာဂီရိဆင်ဖြင့် တိုက်သည်ကို ခံရခြင်း ၊
၉ ။ ဦးခေါင်းတော်ခဲသည့် ဝေဒနာကို ခံစားရခြင်း
၁၀ ။ ၀ါတွင်းသုံးလလုံးလုံး လွန်စွာမှကြမ်းတမ်းသည့် မုယောဆွမ်းကိုသာ ဘုဉ်းပေးသုံးဆောင်ရခြင်း
၁၁ ။ ကျောကုန်းတော်နာရခြင်း
၁၂ ။ ပရိနိဗ္ဗာန် ပြုခါနီး၌ ၀မ်းတော်လားရခြင်း စသည်တို. ဖြစ်ကြောင်း လေ့လာတင်ပြအပ်ပါသည်….။

မှတ်ချက် ။                  ။မြန်မာသူငယ်ချင်းများအဖွဲ့ မှ စစ်ထက်နိုင် ဘလော့မှ ပြန်လည်ကူးယူတင်ပြပါသည်။

ဘ၀ဟူသည် အကျဉ်းထောင်

 ဘုရားရှင်က “ဘဝဟူသည် အကျဉ်းထောင်သာဖြစ်၏” ဟု မိန့်တော်မူ၏။ မှန်၏။ မိမိတို့တတွေသည် ဘဝအကျဉ်းထောင်ထဲ၌ အကျဉ်းချခံနေရသော ဘဝအကျဉ်းသားများသာ ဖြစ်ကြလေ၏။သေချာစဉ်းစားကြည့်။ တဏှာထားရာနေ၊ တဏှာစေရာသွား၊ တဏှာအမိန့်နာခံ၊ တဏှာခိုင်းသမျှ အကုန်လုပ်နေရသော တဏှာ၏ကျွန်၊ ဘဝအကျဉ်းသားတွေသာ ဖြစ်၏။ လောဘ၊ ဒေါသ စသောတစ်ထောင့်ငါးရာ ကိလေသာတွေ၏ အမိန့်အာဏာအောက်မှာ မလွတ်မလပ် ကျဉ်းကျပ်စွာ နေနေရသော အကျဉ်းသားတွေသာဖြစ်၏။ မြတ်စွာဘုရားရှင်က “တဏှာဒါသော- သတ္တဝါအားလုံးသည် တဏှာ၏ကျေးကျွန်တွေချည်း သာတည်း”ဟု မိန့်တော်မူ၏။ ကျေးဇူးတော်ရှင် တောင်မြို့ဂန္ဓာရုံဆရာတော်ဘုရားက “ တဏှာစေရာ မနေသာဖွေရှာဆက်ရမည်” ဟု မိန့်တော်မူ၏။

နံနက်မိုးလင်းက ညနေ နေဝင်မိုးချုပ်သည့်တိုင်အောင် တောင်ကလူက မြောက်သွား၊ မြောက်ကလူကတောင်သွား၊ အရှေ့ကလူက အနောက်သွား၊ အနောက်ကလူက အရှေ့သွား။ ကားနှင့်တစ်မျိုး၊ရထားနှင့်တစ်ဖုံ၊ စက်ဘီးနှင့်တစ်မျိုး၊ ခြေကျင်တစ်သွယ်၊ ကိုယ့်ဇောနှင့်ကိုယ် မောရမှန်းမသိ၊ ပန်းရမှန်း မသိ၊ သွားလာလှုပ်ရှား လုပ်ကိုင်ရှာဖွေနေကြခြင်းသည် မည်သူက စေခိုင်းထားပါသနည်း။ တဏှာကစေခိုင်းထားခြင်း ကြောင့်သာ ဖြစ်၏။ လူ၏ ပင်ကိုယ်သဘောသည် ကောင်းသောသဘောရှိ၏။ ကောင်းသောကုသိုလ်ကြောင့် လူဖြစ်လာရသဖြင့် လူ၏ပင်ကိုယ်ဗီဇသည် ကောင်း၏။ သို့သော် ကိလေသာ၏ လွှမ်းမိုး ချုပ်ချယ်မှု၊ ကြိုးကိုင်ချယ်လှယ်မှု၊ ကိလေသာအလိုကျပုံသွင်းခံရမှုတို့ကြောင့် လူအများစုသည် ပင်ကိုယ်ဗီဇ ပျောက်သွား၏။ ပင်ကိုယ်ဗီဇ ပျောက်သွားသောအခါ လူစိတ် ပျောက်သွား တော့၏။

လူစိတ်နှင့်သာ လူလုပ်ရပါက ကောင်းသောအလုပ်ကိုသာ လုပ်မည်ဖြစ်၏။ သို့သော် လူသည် လူစိတ်အမြဲရှိသည်မဟုတ်။ ကိလေသာ အချုပ်အချယ်အောက်က လွတ်နေသည့် အခိုက်သာ လူစိတ် ဝင်၍ ကိလေသာ အချုပ်ချယ်အောက် ပြန်ရောက်သွားသောအခါ လူစိတ်ပြန်ပျောက်သွား၏။ လူစိတ် ဝင်သောအခါ ကောင်းသောအလုပ်၊ လူ့အလုပ်ကို လုပ်၏။ လူစိတ် ပျောက်နေသော အခါ မကောင်း သောအလုပ်၊ လူ့အလုပ်မဟုတ်သည်ကို လုပ်၏။ တစ်ပါးကျွန်ဘဝ၊ အချုပ်ချယ်ခံဘဝမှာ ကိုယ့်သဘောနှင့်ကိုယ် နေရသည်မဟုတ်။ ကိုယ့်သဘော နှင့်ကိုယ် အိပ်ရသည်မဟုတ်။ ကိုယ့်သဘောနှင့်ကိုယ် စားရသည်မဟုတ်။ ကိုယ့်သဘောနှင့်ကိုယ် လုပ်ရသည်မဟုတ်။ အရာရာ သခင်အလိုကျ၊ သခင်စိတ်တိုင်းကျသာဖြစ်ရလေ၏။

ဘုရားရှင်၏ နှုတ်ခပတ်တော် နိကာယ်ငါးရပ်၊ ပိဋကတ်သုံးပုံသည် အကျယ်အားဖြင့် ဓမ္မက္ခန္ဓာရှစ်သောင်းလေးထောင် ရှိ၏။ အကျဉ်းအားဖြင့် ဝိမုတ္တိရသ တစ်မျိုးတည်းသာရှိ၏။ ဝိမုတ္တိရသ ဟူသည်ကိလေသာ အချုပ်အချယ်တို့မှ လွတ်မြောက်ခြင်းကို ခေါ်၏။ရဟန္တာပုဂ္ဂိုလ်များ ရဟန္တာဖြစ်သွားသောအခါ “ အနုပါဒါယ အာသဝေဟိ စိတ္တာနိ ဝိမုစ္စိသု” ဟုပါဠိတော်မှာ ဆို၏။ အဓိပ္ပါယ်က ဥပါဒါန်အစွဲ ပြုတ်၍ အာသဝေါတရားတွေမှ စိတ်အစဉ်လွတ်မြောက်သွားပြီဟု ဖြစ်၏။ ရဟန္တာဖြစ်ခြင်းဟူသည် ဘဝအကျဉ်းထောင် က လွတ်မြောက်သွားခြင်းဖြစ်၏။ ဘဝအကျဉ်းထောင်က လွတ်မြောက်ဖို့ မိမိ စိတ်အစဉ်သည် အာသဝေါတရားတွေက လွတ်မြောက်ဖို့လို၏။ အာသဝေါနှင့် ကိလေသာ အတူတူပင်ဖြစ်၏။ လောဘ၊ ဒေါသ၊ မောဟ စသော အကုသိုလ်တရားများပင်ဖြစ်၏။ ကိလေသာ အာသဝေါကင်းဖို့အတွက် အစွဲကင်းဖို့လို၏။ အစွဲ ဟူသည် ဥပါဒါန်ဖြစ်၏။ တဏှာပစ္စယာ ဥပါဒါနာဟု ဆိုသည့်အတိုင်း တဏှာကြောင့် ဥပါဒါန်ဖြစ်ရ၏။ တဏှာက တွယ်တာ၏။ သာယာ၏။ တပ်မက်၏။ တဏှာ၏ ထိုသို့ တွယ်တာမှု၊ သာယာမှု၊ တပ်မက်မှုကြောင့် အစွဲ ဥပါဒါန်ဖြစ်ရ၏။ တဏှာ မည်သူ့ကြောင့် ဖြစ်ရသနည်းမေးလျှင် ဝေဒနာ ပစ္စယာ တဏှာ ဟုဆိုသည့်အတိုင်းဝေဒနာကြောင့် တဏှာဖြစ်ရ၏။ ခံစားမှုကြောင့် တဏှာဖြစ်ရ၏။

မျက်စိ၊ နား၊ နှာ၊ လျှာ၊ ကိုယ်၊ စိတ်ဒွါရခြောက်ပါးလုံးက အဆင်း၊ အသံ၊ အနံ့၊ အရသာ၊ အထိအတွေ့၊ သဘောတရားဟူသော အာရုံခြောက်မျိုးလုံးကို ခံစား၏။ ထိုခံစားမှုတွေကြောင့် တဏှာ ဖြစ်ရ၏။ ဒုက္ခီ သုခံ ဝတ္ထယတိ- ဆင်းရဲတော့ ချမ်းသာကို တောင့်တ၏။ ချမ်းသာ ချင်၏။ ဒုက္ခဝေဒနာကြောင့် တဏှာဖြစ်ရ၏။ သုခီ ဘိယျောပိ ဣစ္ဆတိ- ချမ်းသာသူက ပို၍တိုး၍ ချမ်းသာ ချင်၏။သုခဝေဒနာကြောင့်လည်း တဏှာ ဖြစ်ရပြန်၏။ ဝေဒနာနိရောဓာ တဏှာနိရောဓော – ဝေဒနာချုပ်မှသာ တဏှာချုပ်မည် ဖြစ်၏။ တဏှာနိရောဓာ ဥပါဒါနာ နိရောဓော – တဏှာ ချုပ်လျှင် စွဲလမ်းမှုဥပါဒါန်တွေ ချုပ်မည်ဖြစ်၏။ စွဲလန်းမှု ဥပါဒါန်တွေချုပ်လျှင် ကိလေသာအာသဝေါ အချုပ်အချယ်တွေမှ ကင်းလွတ်မည်ဖြစ်၏။ ကိလေသာအာသဝေါ အချုပ်အချယ်တွေက ကင်းလွတ်ဖို့၊ ဘဝအကျဉ်းထောင်က လွတ်မြောက်ဖို့ ဝေဒနာချုပ်ဖို့ လို၏။ အာရုံတွေကို မခံစားဖို့ လို၏။ အာရုံတွေ၏ အရသာကို မခံဖို့ လို၏။သုံးဆောင်ခံစား ဆိုသည့်နေရာမှာ သုံးဆောင်တာက တစ်မျိုး၊ ခံစားတာက တစ်မျိုးဖြစ်၏။ စားစရာ၊ဝတ်စရာ၊ နေထိုင်စရာ၊ ဆေးဝါးဓာတ်စာ သုံးဆောင်တာကတော့ သုံးဆောင် ရမည်ဖြစ်၏။ မသုံးဆောင်၍ မဖြစ်။ အရသာကို မခံစားဖို့သာ လို၏။

ထို့ကြောင့် ဘုရားရှင်က ဒိဋ္ဌေ ဒိဋ္ဌမတ္တ – မြင်လျှင် မြင်ကာမျှထား၊ သုတေ သုတမတ္တ – ကြားလျှင် ကြားကာမျှထား၊ မုတေ မုတမတ္တ – မွှေးလျှင် နံလျှင် မွှေးကာမျှ နံကာမျှ၊ စားသောက်လျှင်စားသောက်ကာမျှ၊ ထိတွေ့လျှင် ထိတွေ့ကာမျှထား။ ရှေ့ဆက်မခံစားနှင့်ဟု မိန့်တော်မူ၏။ ထိုသို့ မရှိမဖြစ်၊ မသုံးဆောင်မဖြစ် အာရုံတွေကို သုံးဆောင်သည့်အခိုက် အရသာ မခံစားဘဲနှင့် ရှုမှတ်နိုင်လျှင် ဝေဒနာချုပ်၍ တဏှာပြုတ်မည်ဖြစ်၏။ တဏှာပြုတ်လျှင် အစွဲဥပါဒါန် လည်း ပြုတ်မည်ဖြစ်၏။ အစွဲ ဥပါဒါန်တွေပြုတ်လျှင် ကိလေသာအချုပ်အချယ်တွေ လွတ်မည်ဖြစ်၏။

ကိလေသာအချုပ်အချယ် တွေက လွတ်လျှင် ဘဝအကျဉ်းထောင်ကလည်း လွတ်ပြီဖြစ်၏။

အရှင်သံဝရာလင်္ကာရ(ဓမ္မပိယဆရာတော်)

၂၀၀၆-ခုနှစ်၊ ဖေဖော်ဝါရီလ၊ မြတ်မင်္ဂလာစာစောင်၊

%d bloggers like this: