တကယ်ကြောက်သင့်သော ဘေး


၁) ပရာနုဝါဒဘေး        >>>>>     သူတပါးက စွပ်စွဲကဲ့ရဲ့သော ဘေး

၂) အတ္တာနုဝါဒဘေး    >>>>>      မိမိကိုယ်ကို ပြန်ပြီး စွပ်စွဲကဲ့ရဲ့သော ဘေး


သူတပါးက စွပ်စွဲကဲ့ရဲ့တဲ့ ပရာနုဝါဒဘေး ဆိုတာက ကိုယ့်ဘက်က အပြစ်မရှိဘဲ ဖြူစင်နေရင် ဘာမှ ဂရုစိုက်စရာမလိုဘူး ၊ ကြောက်စရာလည်းမလိုဘူး၊ အတိတ်ဝဋ်ကြွေးပါလာရင် ရက်ပိုင်း လပိုင်းအထိ နာမည်ပျက် သိက္ခာကျတဲ့ ဒဏ်ကိုတော့ ခံရပါမယ် ။ အပါယ်ငရဲ ဆွဲချနိုင်တဲ့ တရားမဟုတ်လို့ နည်းနည်းမှ ကြောက်စရာမလိုပါဘူး ။

ပရာနုဝါဒဘေး ဆိုတာကတော့ ဝဋ်ကြွေးရှိခဲ့ရင် ဘုရားရဟန္တာများတောင် မလွတ်ပါဘူး ၊ ဂေါတမဘုရားရှင်ဆိုရင် မိန်းမနဲ့ နှစ်ကြိမ်သမုတ်ခံရပါတယ် ။ ခုနှစ်နှစ်သားအရွယ်ကတည်းက ရဟန္တာဖြစ်ခဲ့တဲ့ အရှင်ဒဗ္ဗမထေရ်ဆိုရင် မိန်းမနဲ့ သုံးကြိမ် သမုတ်ခံခဲ့ရပါတယ် ။ သူလိုကိုယ်လို သာမန်လူတွေအတွက်တော့ ပြောစရာမလိုတော့ပါဘူး ။

တကယ်ကြောက်စရာ ကောင်းတာက ကိုယ့်ကိုယ်ကို ပြန်ပြီး စွပ်စွဲတဲ့ အတ္တာနုဝါဒဘေးပါပဲ ။ သူတစ်ပါးကို လိမ်လို့ရတယ် ။ ကိုယ့်ကိုယ်ကို လိမ်လို့မရပါဘူး ၊ မဟုတ်တာလုပ်မယ် ၊ ပြောမယ် ၊ ကြံမယ်ဆိုရင် သူတစ်ပါးက နောက်မှသိမှာပါ ၊ ကိုယ်က အရင်ဆုံးသိပါတယ်။

ဒါ့ကြောင့် အတ္တာနုဝါဒဘေးမဆိုက်ဖို့ဆိုရင် ကိုယ့်ကိုယ်ကို တကယ်ကြည်ညိုအောင်နေဖို့ အရေးကြီးပါတယ် ။ သူတစ်ပါးကြည်ညိုဖို့ ဆိုတာကတော့ အင်မတန်လွယ်ကူပါတယ် ။ ဟန်ဆောင်ကောင်းရင် ပြီးတာပါပဲ ။ ကိုယ့်ကိုယ်ကို ကြည်ညိုဖို့ကတော့ အတော်ခဲယဉ်းပါတယ်။

မိမိကိုယ်ကို တစ်ကြိမ်လောက်မေးကြည့်ပါ။ ငါ, င့ါကိုယ်ငါ တကယ်ကြည်ညိုရဲ့လားလို့ ၊ မလိမ်တန်း ၊ မညာတန်းအဖြေထုတ်လိုက်တဲ့အခါ ကြည်ညိုပါတယ် ဆိုတဲ့ အဖြေထွက်လာရင် ဘဝကူးကောင်းဖို့တော့ သေချာပါပြီ ။ မကြည်ညိုဘူးဆိုရင်တော့ မကောင်းရာ ရောက်ဖို့ သေချာနေပါပြီ ။ ဗေဒင်မေးစရာ မလိုတော့ပါဘူး ။

မိမိကို ဘေးက လာကယ်လို့ မရပါဘူး ၊ မိမိကိုယ်တိုင် ကယ်မှ ရမှာပါ ၊ ဒါ့ကြောင့် မကြည်ညိုသေးဘူးဆိုရင် ကြည်ညိုလာအောင် ကြိုးစားသင့်ပါတယ် ၊ ဒါနကုသိုလ်တွေ အများကြီးရှိရက်နဲ့ မလိ္လကာဒေဝီငရဲကျရတယ်ဆိုတာ ကိုယ့်ကိုယ်ကို ပြန်စွပ်စွဲတဲ့ အတ္တာနုဝါဒဘေး ဆိုက်လို့ပါ ၊ တစ်နည်း ကိုယ့်ကိုယ်ကို တကယ်မကြည်ညိုလို့ပါ ဆိုတာ သိပ်ထင်ရှားနေပါတယ် ။

ကျမ်းကိုး ။      ။ မေတ္တာရှင် (ရွှေပြည်သာ) ၏ မဂ်တား၊ ဖိုလ်တား အန္တရာယ်များ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: