စိတ်ချမ်းသာအောင် ဘယ်လိုနေမလဲ


တစ်ခါတုန်းက ကဿပဘုရားရှင် ပရိနိဗ္ဗာန်စံတော်မူတဲ့အခါ ကြွင်းကျန်တဲ့ ဓာတ်တော်တွေကို ဌာပနာပြီး ရွှေစေတီတည်ပါတယ်။ အရပ်လေးမျက်နှာက ပရိသတ်အပေါင်းကလည်း ပန်းနံ့သာတွေနဲ့ ရွှေစေတီကို ပူဇော်ကြပါတယ်။ ပန်းတွေနဲ့ ပူဇော်ပွဲမှာ မထင်ရှားတဲ့ အမျိုးသားလေး တစ်ယောက်လည်း ပါပါတယ်။

ပန်းပူဇော်တဲ့သူတွေ ပြန်သွားတဲ့အခါ အမျိုးသားငယ်က ပန်းတင်လှူထားတာတွေ မညီမညာဖြစ်နေတာတွေ့ ရတဲ့အတွက် ကြည့်လို့ကောင်းအောင် ပြုပြင်ပြီးပြန်ပူဇော်ပါတယ်။

ဒါတင်မကပါဘူး။ သူများလှူခဲ့တဲ့ပန်းတွေကို ပြန်ပြုပြင်ပြီး ပူဇော် ပြီး အဲဒီပူဇော်မှုကို ပဲ အာရုံပြုပြီး မြတ်စွာဘုရားရှင်ရဲ့ ဂုဏ်တော်တွေ ကို ပွားပါတယ်။ ဂုဏ်တော်ပွားတဲ့အခါ စိတ်ကကြည်ကြည်လင်လင် ဖြစ်လာပါတယ်။ ပြုထားတဲ့ကောင်းမှုကို နှလုံးသားထဲမှာ ထည့်ထား လိုက်ပါတယ်။

သက်တမ်းစေ့လို့ကွယ်လွန်တဲ့အခါ မညီမညာဖြစ်နေတဲ့ ပန်းတွေ ကို ပြန်ပြုပြင်ပြီး ပူဇော်ခဲ့ရတဲ့ ကုသိုလ်ကံကြောင့် တာဝတိံသာနတ် ပြည်မှာ သုနိက္ခိတ္တနတ်သားရယ်လို့ ဖြစ်ရပါတယ်။ မြန်မာလိုပြောရင် တော့ “ကောင်းကောင်းထား”ပါ။ တန်ခိုးအာနုဘော်ကြီးသလို အခြံအရံ တွေလည်းများစွာရပါတယ်တဲ့။

ဂေါတမမြတ်စွာဘုရားရှင် ပွင့်တော်မူတဲ့အခါ ရှင်မဟာမောဂ္ဂ လာန် မထေရ်မြတ် တာဝတိံသာနတ်ပြည်ကို ရောက်လာပြီး ဘယ်လိုကုသိုလ်တွေပြုခဲ့လို့ ဒီစည်းစိမ်တွေရတာလဲလို့ ကောင်း

ကောင်းထားနတ်သားကို မေးတော်မူပါတယ်။

ဒါတော့နတ်သားက ”တပည့်တော်ဟာ ရွှေစေတီမှာ ဖရိုဖရဲ မညီမညာ တင်ထားတဲ့ပန်းတွေကို ကြည့်လို့ကောင်းအောင် ကြည်ညို ဖွယ်ဖြစ်အောင် ပြန်ပြုပြင်ပြီး ပူဇော်ခဲ့ပါတယ်ဘုရား။ အဲဒီကုသိုလ် ကြောင့် ဒီနတ်စည်းစိမ်တွေကို ခံစားနေရတာပါဘုရား” လို့ ပြန် လျှောက်ပြပါတယ်။

အရှင်မဟာမောဂ္ဂလာန်က လူ့ ပြည်ပြန်ရောက်တဲ့အခါ ဒီအ ကြောင်းကို မြတ်စွာဘုရားကို ပြန်လျှောက်ကြပါတယ်။ မြတ်စွာဘုရား ရှင်ကလည်း ဒီအကြောင်းကိုပဲ လူပရိတ်သတ်ကို ပြန်ဟောပြပေးတော် မူပါတယ်။

မြတ်စွာဘုရားရဲ့ တရားကို နားကြားရတဲ့ ပရိတ်သတ်တွေဟာ သုနိက္ခိတ္တနတ်သားကို အားကျပြီး “ ငါတို့လည်း သုနိက္ခိတ္တနတ်သား လို ပိုက်ဆံကုန်စရာမလိုဘဲ သူများလှူတဲ့ပန်းကို ကြည်ညိုဘွယ်ဖြစ် အောင်ပြန်ပြုပြင်ပူဇော်ရင် နတ်စည်းစိမ်ကို ရလိမ့်မယ်” လို့ နှလုံးသွင်း ပြီး စေတီတော်ကို ရောက်တဲ့အခါ သူများတင်လှူပြီးသားပန်းတွေကို ကြည်ညိုဘွယ်ဖြစ်အောင် ပြုပြင်ပြီး ပြန်ပူဇော်ကြပါတယ်။ အဲဒီကုသိုလ် ကြောင့်ပဲ သူတို့လည်း နတ်ပြည်ရောက်ကြရပါတယ်တဲ့။

……. (၀ိမာန၀တ္ထုအဋ္ဌကထာ၊ သုနိက္ခိတ္တ၀တ္ထု)

ရောက်တဲ့အရပ်မှာ ကိုယ့်ကိုယ်ကိုယ် ကုသိုလ်ဖြစ်အောင် လုပ်တတ်လိုက်ပုံလေးကို သဘောကျလို့ ဒီဝတ္ထုလေးကို ထုတ်ပြလိုက် တာပါ။

ပင်ကိုအားဖြင့် သူ့ ရဲ့စိတ်ကလေးကကို မှန်နေလို့ပါ။ ပန်းတွေပြု ပြင်နေတဲ့အချိန်မှာ ပန်းပိုင်ရှင်တွေကို အပြစ်တင်တဲ့ စိတ်လည်းရှိမနေ ခဲ့ပါဘူး။ လူငယ်စကားနဲ့ ပြောရရင် ဆရာကြီးလုပ်ချင် တဲ့စိတ်ရှိမနေ ခဲ့ပါဘူး။ တကယ့်ကို စိတ်ထားဖြူဖြူလေးနဲ့ လုပ်ခဲ့တာပါ။ ပြီးတော့ ပိုက် ဆံလည်းမကုန်ခဲ့ပါဘူး။ ကုသိုလ်များရချင်တဲ့သူအတွက်တော့ အမြဲကို လွယ်နေတော့တာပါ။

စေတီကနေ အိမ်ပြန်လာတဲ့အခါ သူ့ ရဲ့ခြေလှမ်းတိုင်းမှာ ဘယ် လောက်စိတ်ချမ်းသာနေမယ်ဆိုတာ တွေးကြည့်တဲ့သူတောင် စိတ်ချမ်း သာရတာပါ။

စာရေးသူကစိတ်ချမ်းသာအောင်နေတဲ့သူဆို သိပ်အားကျတာပါ။

စိတ်ချမ်းသာအောင် ဘယ်လိုနေမလဲ…?။

တချို့ ကျတော့ စိတ်ချမ်းသာကြပါတယ်။ တချို့ ကျတော့ စိတ်မ ချမ်းသာကြပါဘူး။

အဖြေကတော့ တိုတိုပါပဲ။

ကိုယ့်ရင်ထဲမှာ အကုသိုလ်စိတ်တွေ ကိန်းနေရင် စိတ်ဆင်းရဲ ရပါတယ်။

ကိုယ့်ရင်ထဲမှာ ကုသိုလ်စိတ်တွေ ကိန်းနေရင် စိတ်ချမ်းသာရပါ တယ်။

တစ်ခါတလေ စိတ်ချမ်းသာနေပြီဆိုရင် ကိုယ့်ရင်ထဲကို ပြန်အာရုံ ကြည့်လိုက်ပါ။ ကုသိုလ်စိတ်တွေကိန်းနေတာ တွေ့ ရပါလိမ့်မယ်။ ဒါနနဲ့ ယှဉ်တဲ့ကုသိုလ်ပဲ ဖြစ်ဖြစ်၊ ဝေယျာဝစ္စပရဟိတနဲ့ယှဉ်တဲ့ ကုသိုလ်ပဲဖြစ် ဖြစ် ကုသိုလ်တစ်ခုခုကိန်းနေလို့ပါ။

ဒီလိုပါပဲ။ စိတ်ဆင်းရဲနေရပြီဆိုရင်လည်း အကုသိုလ်စိတ်တစ်ခုခု ကိန်းနေလို့ပါ။ ဒေါသပဲဖြစ်ဖြစ်၊ ဣဿာမစ္ဆရိယပဲဖြစ်ဖြစ် အကုသိုလ် စိတ်တစ်ခုခုဝင်နေတာ တွေ့ ရပါလိမ့်မယ်။

တကယ်လို့ စိတ်ဆင်းရဲနေလို့ ကိုယ့်ရင်ထဲကို သတိနဲပြန်ကြည့် လို့ အကုသိုလ်စိတ်တစ်ခုခု ကိန်းနေတာ တွေ့ရရင် “ ဒီအကုသိုလ် စိတ်ကလေးကြောင့် ငါစိတ်ဆင်းရဲနေတာပဲ” ဆိုပြီး ဆင်ခြင်လိုက်ပါ။ ပြီးရင် ကိုယ်ကြိုက်တဲ့ ဣရိယာပုထ်နဲ့ သေချာထိုင်ပြီး ကိုယ့်ရင်ထဲက အကုသိုလ်စိတ်ကလေးကို စိတ်နဲ့ပဲ ပြန်ကြည့်နေလိုက်ပါ။ ဖြစ်နေတဲ့ အကုသိုလ်စိတ်ကလေးကို စိတ်နဲ့ပဲပြန်သိနေလိုက်ပါ။ တစ်မိနစ်ပဲဖြစ် ဖြစ်၊ နှစ်မိနှစ်ပဲဖြစ်ဖြစ်၊ သုံးမိနစ်ပဲဖြစ်ဖြစ် ငါးမိနစ်-ဆယ်မိနစ်ပဲဖြစ်ဖြစ် အချိန်ကလေး ယူပြီး ကိုယ့်ရင်ထဲမှာ ဖြစ်နေတဲ့ စိတ်ကလေးကို သတိ ကပ်ပြီး သိနေလိုက်ပါ။

သိပါ သိပါများလာရင် ထွက်သွားပါလိမ့်မယ်။ တစ်ခုတော့ရှိပါ တယ်။ ကိုယ်ရင်ထဲရောက်နေတဲ့ အကုသိုလ်က သိပ်ပြီးကြီူးနေရင် တော့ အချိန်ကလေးတော့ ယူပေးရပါမယ်။

သိပါ များများလာရင်တော့ တဖြည်းဖြည်း လျော့လျော့သွားပါ လိမ့်မယ်။

ဒါက စိတ္တာနုပဿနာခေါ်တဲ့ ၀ိပဿနာနဲ့ အဆင့်မြင့်မြင့် ပယ် ထုတ်ပစ်လိုက်တာပါ။

ကိုယ့်ရင်ထဲမှာ အကုသိုလ်စိတ်တစ်ခုဝင်လာရင် အဲဒီအကုသိုလ် စိတ်ကို ဉာဏ်နဲ့စိုက်ကြည့်တဲ့အလုပ်ကို သေချာ ထုံထားလိုက်ပါ။ ကြာ လာရင် ကိုယ်မျှော်လင့်တဲ့ စိတ်ချမ်းသာမှုလေးတွေ ရောက်လာပါလိမ့် မယ်။

ကိုယ်က ၀ိပဿနာနဲ့ အဆင့်မြင့်မြင့် မပယ်နိုင်သေးဘူးဆိုရင် တော့ ဖြစ်နေတဲ့ အကုသိုလ်ကလေးကိုပဲ စိုက်ကြည့်ပြီး “ အကုသိုလ် ဆိုတာ မကောင်းဘူး၊ စိတ်ကိုလည်းပူလောင်စေတယ်၊ ရုပ်ကိုလည်း ပူလောင်စေတယ်” လို့ထပ်ကာထပ်ကာလေး ဆင်ခြင်ပေးနေလိုက်ပါ။ ကိုယ့်ရဲ့ဆင်ခြင်မှုကို အသိဉာဏ်က လက်ခံသွားပြီဆိုရင် ဖြစ်နေတဲ့ အကုသိုလ်လေးက ထွက်သွားတာများတယ်။

ဆင်ခြင်ပေမယ့် အသိဉာဏ်ပိုင်းက လက်မခံသေးဘူးဆိုရင်တော့ အကုသိုလ်က မထွက်သေးပါဘူး။ ဆင်ခြင်မှုတွေများလာတဲ့အခါ အသိ ဉာဏ်ပိုင်းက လက်ခံသွားတဲ့အခါမှာတော့ အကုသိုလ်လေးက မနေ၀ံ့ တော့ပါဘူး။ ထွက်ကိုထွက်သွားရတော့တာပါ။

ဆင်ခြင်တဲ့နေရာမှာ “ ဘယ်သူတွေ ဘယ်တုန်းက ဘယ်လိုပြုခဲ့ လို့ ဘယ်လိုဆိုးကျိုးတွေပေးသွားတာ” စသည်ဖြင့် ကိုယ်လက်တွေ့

တွေ့မြင်ခဲ့ရတာလေးတွေနဲ့ယှဉ်ပြီး အကုသိုလ်ရဲ့အကျိုးအပြစ်ကလေး တွေကို ပေါ်နိုင်သမျှ ပေါ်အောင်ပုံဖော်ပြီး ကိုယ်ဆင်ခြင်တတ်သလို ဆင်ခြင်လို့လည်းရပါတယ်။ ဒါမှမဟုတ် ကိုယ်ကြားဖူးထားတဲ့ အကုသိုလ် ဆိုးကျိုးဝတ္ထုဇာတ်လမ်းတွေကို အာရုံပြုပြီး ဆင်ခြင်လို့လည်းရပါတယ်။

အဓိကကတော့ ဒီအကုသိုလ်စိတ်ကလေးကြောင့် ကိုယ်စိတ် ဆင်းရဲနေရတယ်ဆိုတာ သေချာသိထားဖို့ပါပဲ။

သိထားပြီး ကိုယ်တိုင်ကလည်း ဒီအကုသိုလ်စိတ်ကလေးကို မလို လားဘူးဆိုရင် ဆင်ခြင်ပြီးပဲ ပယ်ပယ်၊ ၀ိပဿနာမှတ်ပြီးပဲ ပယ်ပယ် ပယ်လို့လွယ်သွားတာများပါတယ်။

တစ်ခုတော့ရှိပါတယ်။ အကုသိုလ်ပယ်ပုံနဲ့ ပတ်သတ်လို့ အလေ့ အထုံနည်းနေသေးတယ်ဆိုရင်တော့ သူများထက်ပိုပြီး ထပ်ကာ ထပ် ကာလေး ဆင်ခြင် ဆင်ခြင် သိသိပေးနေရပါမယ်။ အလေ့အကျင့်လုပ် ပါများလာရင် အလုပ်က သင်သွားတာများပါတယ်။

ဆင်ခြင်လို့ သိလို့ အကုသိုလ်လေးထွက်သွားတဲ့အခါ နောက် ထပ် ဘာဆက်လုပ်ရမလဲဆိုတော့ ကိုယ်ရင်ထဲမှာ ကုသိုလ်စိတ် ကလေးတစ်ခု ရောက်လာအောင် လုပ်ရပါတယ်။ အလွယ်ဆုံးနည်း ကတော့ အရဟံဂုဏ်တော်လေးကို ထပ်ကာထပ်ကာ ပွားနေလိုက်မယ် ဆိုရင်လည်း အလွယ်တကူ ကုသိုလ်စိတ်ကလေး ၀င်လာတာပါ။

အရဟံ =ပူဇော်အထူးကို ခံယူတော်မူထိုက်သော မြတ်စွာဘုရား။

အရဟံ =ကိလေသာ ကင်းတော်မူသော မြတ်စွာဘုရား။

အရဟံ =စိတ်ကွယ်ရာအရပ်၌ပင် မကောင်းမှုကို ပြုတော်မမူ သောမြတ်စွာဘုရားလို့ ထပ်ကာ ထပ်ကာလေးပွားနေလိုက်ပါ။

ဒါမှမဟုတ် အိမ်မှာရှိတဲ့ ဘုရားကို ရေကပ်တာ၊ ပန်းကပ်တာတွေ လုပ်လိုက်ရင်လည်း ရပါတယ်။

လက်တွေ့အသုံးချကြည့်လို့ ကိုယ်မျှော်လင့်သလို ဖြစ်သွားပြီဆို ရင် သိပ်ပျော်ရတာပါ။ နောင်အကုသိုလ်စိတ်ကလေး ၀င်လာလို့ စိတ် ဆင်းရဲနေရတဲ့အခါ ပယ်ထုတ်ရမှာဝန်မလေးတော့ပါဘူး။

ဝင်လာတဲ့ အကုသိုလ်ကို ပယ်နည်းတွေက စာမှာအများကြီးရှိနေ တာပါ။ နည်းအများကြီးထဲက ကိုယ့်အတွက်လွယ်တဲ့ နှစ်နည်းလောက် ကိုလက်ကိုင်ထားလိုက်ရင် ရပါပြီ။ အကုသိုလ်ဝင်လာတဲ့အခါ ကိုယ့်အ တွက်လွယ်တဲ့ ကိုယ်လက်ကိုင်ထားတဲ့နည်းနဲ့ ပယ်ပယ် ထုတ်ထုတ် သွားဖို့ပါပဲ။ ၀င်လာတဲ့ အကုသိုလ်ကို မပယ်ဘဲမခွာဘဲ ဒီအတိုင်းထား လိုက်ရင်အကုသိုလ်က တိုးတိုးပွားပွား လာတာများပါတယ်။ ကိုယ့်ရင် ထဲမှာ အကုသိုလ်တိုးလေ တိုးတိုးပြီး စိတ်ဆင်းရဲရလေလေပါပဲ။

လူတစ်ယောက်ရဲ့ ဘ၀မှာ ကုသိုလ်နဲ့ အကုသိုလ်မှာ အကုသိုလ် မဖြစ်ဖို့က ပထမဦးစားပေးပါ။ ကုသိုလ်ဖြစ်ဖို့က ဒုတိယဦးစားပေးပါ။ ဆိုလိုတာက ကုသိုလ်မဖြစ်ရင် နေပါစေ၊ အကုသိုလ်မဖြစ်အောင်တော့ အထူးစောင့်ထိန်းရမှာပါ။

အကုသိုလ်စိတ်ဖြစ်တဲ့အခါ စိတ်ဆင်းရဲရပါတယ်။

ကုသိုလ်စိတ်ဖြစ်တဲ့အခါ စိတ်ချမ်းသာရပါတယ်။

ဒီတော့ အကုသိုလ်စိတ်ဖြစ်ရခြင်းရဲ့ အကြောင်းရင်းက ဘာလဲ၊ ကုသိုလ်စိတ်ဖြစ်ရခြင်းရဲ့ အကြောင်းရင်းက ဘာလဲ။

စာပေအရပြောရရင်တော့ အယောနိသော မနသိကာရဖြစ်ရင် အကုသိုလ်စိတ်ဖြစ်ပါတယ်။ ယောနိသော မနသိကာရဖြစ်ရင် ကုသိုလ်

စိတ်ဖြစ်ပါတယ်။

မြန်မာလိုပြောရင်တော့ နှလုံးသွင်းမှားရင် အကုသိုလ်စိတ်ဖြစ်ပါ တယ်။ နှလုံးသွင်းမှန်ရင် ကုသိုလ်စိတ်ဖြစ်ပါတယ်။

ဒါကိုထောက်ပြီး ကုသိုလ်စိတ်၊ အကုသိုလ်စိတ်ဖြစ်ခြင်းဟာ ကိုယ့်အပေါ်မှာပဲ အဓိကကျနေပါတယ်။

ပတ်ဝန်းကျင်က တစ်စုံတစ်ယောက်က ဘယ်လောက်ပဲ ဖောက် ပြန်တဲ့အမှုအရာ ပြနေဦးတော့ ကိုယ့်မှာယောနိသောမနသိကာရ ရှိနေ ရင် အကုသိုလ်စိတ်မဖြစ်တော့ပါဘူး။ အေးဆေးပါပဲ။

လူသုံးယောက်ရှိပါတယ်။

ပထမတစ်ယောက်က ပင်ကိုယ်ပါရမီဓာတ်ခံသိပ်အားကောင်းပါ တယ်။ ဘယ်အာရုံဆိုးနဲ့ပဲတွေ့တွေ့ နှလုံးသွင့်မှန်နေတဲ့အတွက် သူ့ကို ကြည့်လိုက်ရင် ပြုံးပြုံး ပြုံးပြုံးနဲ့ပါ။ ဘာမှမဖြစ်ပါဘူး။ တွေ့ဖူးကြမှာပါ။

ဒုတိယတစ်ယောက်ကျတော့ ပင်ကိုယ်ဓာတ်ခံအားနည်းနေတဲ့အ တွက် အာရုံဆိုးတစ်ခု တွေ့လိုက်ရတဲ့အခါ နှလုံးသွင်းမှားပြီး အကု သိုလ်စိတ်က တန်းကနဲ ဖြစ်သွားပါတယ်။

ဒါပေမယ့် သူကနှလုံးသွင်းမှားတာကို ချက်ချင်းသိပြီး ကိုယ့်ကိုယ် ကိုယ် နှလုံးသွင်းမှန်အောင် ပြန်ပြီး ပြုပြင်ဆင်ခြင်ပြီး ယူပါတယ်။

နှလုံးသွင်းမှားမှုကြောင့် အကုသိုလ်စိတ်တွေတော့ ဖြစ်လိုက်ပါ တယ်။ ဖြစ်ပေမယ့် ပြန်ပြုပြင်ယူလိုက်တော့ အကုသိုလ်စိတ်ဟာ ရင် ထဲမှာ အခိုက်အတန့်ပဲ ဖြစ်ပါတယ်။ ဖြစ်ကျောရှည်မနေတော့ပါဘူး။

တတိယတစ်ယောက်ကျတော့ အာရုံဆိုးတစ်ခုကို တွေ့လိုက်ရ တဲ့အခါ နှလုံးသွင်းမှားမှုကြောင့်အကုသိုလ်စိတ်တွေ ၀င်လာပါတယ်။

ကိုယ့်နှလုံးသွင်းမှားလို့ အကုသိုလ်စိတ်ဖြစ်နေတာကို မသိတော့ ဘဲ တစ်ဖက်က အာရုံဆီကိုပဲ စိတ်ကရောက်ရောက်နေပြီး အကုသိုလ် စိတ်တွေချည်း ဆက်ကာ ဆက်ကာ ဖြစ်နေတော့တာပါ။

“ သူက ငါ့ကို ဘယ်လိုပြောလိုက်တာ၊ ငါကလည်း ဘယ်လိုပြန် ပြောလိုက်တာ၊ အဲဒီအချိန်မှာ သူက အင်္ကျီပန်းရောင်လေးဝတ်ထား တယ်၊ ငါက လှေကားလက်တန်းလေးကို ကိုင်ထားတယ်” စသည်ဖြင့် ဖြစ်ပျက်သမျှတွေကို အသေးစိတ်ပြန်မြင်ယောင်ပြီး ထပ်ကာ ထပ်ကာ တွေးတွေးပြီး ခံစားနေတော့တာပါ။ ဒီလိုပါပဲ နောက်ရက်တွေမှာလည်း တွေးချိန်ရောက်လာတာနဲ့ “သူက ငါ့ကို ဘယ်လိုပြောလိုက်တာ” စသည်ဖြင့် ဖြစ်ပျက်ခဲ့သမျှကို ပြန်တွေးတော့တာပါ။ ဖြစ်စတုန်းက ဒီလောက်မဟုတ်ပေမယ့်တွေးပတွေးပါ များများလာတော့ အတွေးက အကုသိုလ်စိတ်ကို ပိုပိုတိုးတိုးသွားစေတော့တာပါ။

ကြာလာတော့ အာရုံဆိုးတစ်ခုတွေ့လို့ မကျေနပ်စိတ်ကို ပြန်ပြန် တွေးတတ်တဲ့ အထုံက ကိုရီးယားကားစွဲသလို စွဲသားတော့တာပါ။ အေးအေးဆေးဆေး အနားယူရမယ့် အချိန်မှာတော့ အတွေးက အား ထုတ်စရာမလိုဘဲနဲ့ ပေါ်လာတော့တာပါ။

ဒီတော့ စိတ်ဆင်းရဲရပြန်ရော။

ကိုယ်က တွေးတွေးပြီး စိတ်ဆင်းရဲနေရတဲ့အချိန်မှာ ဟိုတစ်ဖက် သားက သိတောင်သိမှာ မဟုတ်ပါဘူး။

လူသုံးမျိုးထဲမှာ ကိုယ်က ပထမအမျိုးအစားထဲမှာ မပါရင်တောင် စိတ်ကို ပြန်ပြုပြင်ယူတဲ့ ဒုတိယအမျိုးအစားထဲမှာ ပါအောင်တော့ ကြိုး စားရပါမယ်။

တကယ်လို့ တတိယအမျိုးအစားထဲမှာပါတယ် ဆိုရင်လည်း ဘာ မှအားငယ်စရာမလိုပါဘုး။ ဘယ်ကိစ္စပဲဖြစ်ဖြစ် လေ့ကျင့်ယူရင် ရတာပါ ပဲ။ အလေ့အကျင့်များလာတဲ့အခါ ဒုတိယမအမျိုးအစားထဲမှာ ၀င်လာ မယ်။ နောက်ဆက်လေ့ကျင့်တဲ့အခါ ပထမအမျိုးအစားထဲမှာတောင် မယုံကြည်နိုင်လောက်အောင် ၀င်သွားတော့တာပါ။

အဲဒီအထုံပါရမီဓာတ်ဟာ နောက်ဘ၀အထိပါ ဆက်ပါသွားတော့ မှာပါ။

ဝင်လာတဲ့အကုသိုလ်ကို ပယ်တတ်သလို ပယ်ပယ်ပြီး နှလုံးသွင်း မှန်အောင်နေမယ်။ ကုသိုလ်လေးတွေ ဆက်ကာဆက်ကာ ပြုပြုပေးပြီး

နေသွားမယ်ဆိုရင်တော့ စိတ်ဆင်းရဲလည်း ခဏသာ စိတ်ဆင်းရဲပြီး ကိုယ့်ရဲ့စိတ်ကလေးက အချိန်များများ စိတ်ချမ်းသာနေတော့မှာပါ။

အဲဒီစိတ်ချမ်းသာတဲ့စိတ်ကလေးနဲ့ ၀ိပဿနာတရား အားထုတ် ဖြစ်လိုက်မယ်ဆိုရင်တော့……။

ဒါကအကုသိုလ်စိတ်ဝင်လို့ သိပ်စိတ်ဆင်းရဲနေတဲ့ သူအတွက် ပြောတာပါ။ အဲဒီလောက်လည်း ကိုယ်က အကုသိုလ်စိတ်မ၀င်ဘူး။ အဲဒီလောက်လည်း အရမ်းကာရော စိတ်ဆင်းရဲမနေဘူး။ ဒါပေမယ့် ကိုယ့်ရဲ့စိတ်ကလေး အမြဲငြိမ်းအေးနေချင်တယ်ဆိုရင်တော့ နည်းတစ် မျိုးနဲ့ထုံပွားကြည့်ရအောင်ပါ။

ဒီတော့ စိတ်ချမ်းသာအောင်ဘယ်လိုနေမလဲ..? ။

စိတ်ဆင်းရဲတယ်၊ စိတ်ဆင်းရဲတယ်ဆိုတာ ရင်ထဲကို လောဘ၊ ဒေါသ၊ ဣဿာမစ္ဆယ၊ ရာဂ၊ တဏှာ စတဲ့အကုသိုလ်တရားတွေ ၀င်လာလို့ပါ။ ဒီသဘောကို ကိုယ်တိုင်က အရင်သဘောပေါက်ထား လိုက်ပါ ။

ဒီတော့ မနက်အိပ်ရာက နိုးတာနဲ့ “ငါ ဒီနေ့ သတိပဋ္ဌာန်ရယ်၊ နမောတဿရယ်နဲ့ ငါ့စိတ်ကလေးကို ငြိမ်းအေးအောင်နေမယ်” လို့ သုံးခါလောက်စိတ်ထဲကနေ အဓိဋ္ဌာန်လိုက်ပါ။

အိပ်ရာထကတည်းက သတိပဋ္ဌာန်လေးနဲ့ထလိုက်ပါ။ ရေချိုးခန်းဝင်တာ၊ မျက်နှာသစ်တာ၊ သွားတိုက်တာ၊ မျက်နှာသုတ်တာ၊ ခြေလှမ်းလှမ်းတာ၊ ခြင်ထောင်သိမ်းတာ၊ စောင်ခေါက်တာ၊ မီးဖိုချောင်ဝင်တာ စသည်တွေကို သိသိနေလိုက်ပါ။

တကယ်လို့ မှတ်ရတာ ကြာလာလို့ နည်းနည်းငြီးငွေ့လာရင် နမောတဿကို လှည့်ပွားနေလိုက်ပါ။ နမောတဿပွားလို့ အားရတဲ့ အခါ သတိပဋ္ဌာန်လေးနဲ့နေလိုက်၊ နမောတဿ လေးနဲ့နေလိုက်နဲ့ သေချာသတိကပ်ပြီး နေနေလိုက်ပါ။

သတိပဋ္ဌာန်လေးနဲ့ နေနေတဲ့အချိန်၊ နမောတဿပွားနေတဲ့အချိန် လေးမှာ လောဘ၊ ဒေါသစတဲ့ အကုသိုလ်တရားတွေ မ၀င်ပါဘူး။ အဲဒီ အကုသိုလ်တရားတွေမ၀င်ရင် စိတ်ကလေးက ငြိမ်းအေးနေတော့တာ ပါ ။

တနေ့လုံးမကျင့်နိုင်ရင်တောင် မနက်ပိုင်းလေးမှာတော့ အချိန် လေးသတ်မှတ်ပြီး ကျင့်ကြည့်စေချင်ပါတယ်။ ကျင့်စမှာ နည်းနည်း ခက်ချင်ခက်မယ်။ ကျင့်ပါများလာရင်တော့မှတ်ရ ပွားရတာ လွယ်သွား ပါလိမ့်မယ်။

ဝိပဿနာဆိုတာအနိစ္စ၊ ဒုက္ခ၊ အနတ္တလက္ခဏာ တွေမြင်ပါမှ ၀ိပဿနာစစ်စစ်ဖြစ်တာပါ။ ဒါပေမယ့် သွားရင် သွားတယ် လို့သိနေတဲ့ အချိန်မှာ သောက်ရင် သောက်တယ်လို့ သိနေတဲ့အချိန်မှာ သတိဖြစ် နေတဲ့အတွက်အကုသိုလ်စိတ်ကလေးတွေက မ၀င်ပါဘူး။ မ၀င်တဲ့ အတွက် စိတ်ကလေးက ငြိမ်းအေးနေတော့တာပါ။ ဒီလောက်ဆိုရင်ပဲ ကိုယ့်အတွက် တော်တော်လေးဟုတ်နေပါပြီ။

ဒါလေးကိုတော့ စမ်းပြီးကျင့်ကြည့်စေချင်ပါတယ်။ စိတ်ကလေး ငြိမ်းအေးနေစေချင်လို့ပါ။ သိပ်ပြီးခက်လှတဲ့ ကျင့်စဉ်လည်း မဟုတ် ပါဘူး။

တချို့စိတ်ဆင်းရဲမှုတွေဟာ တွေးလို့ဖြစ်ရတာပါ။ တွေးတာက ကြာလာရင် အကျင့်ပါသွားတတ်ပါတယ်။ ဒါကြောင့် စိတ်ဆင်းရဲစရာ တစ်ခု တွေးမိလိုက်တာနဲ့ “တွေးတယ်၊ တွေးတယ်”လို့ မှတ်ချလိုက်ပါ။  “တွေးတယ်၊ တွေးတယ်”လို့သိချလိုက်ပါ။ မှတ်ရတာ ကိုယ့်အတွက် သိပ်ခက်နေရင်လည်း နမောတဿကို အားရသလောက် ပွားချပစ် လိုက်ပါ။ မတွေးမိအောင်လည်း အကျင့်လုပ်ထားလိုက်ပါ ။

သေရင်တောင် အားလုံးကိုထားခဲ့ရဦးမှာဆိုတော့ သေခြင့်တရား နဲ့ ယှဉ်လိုက်ရင် ကျန်တဲ့စိတ်ညစ်စရာဆိုတာတွေက ဘာမှမဟုတ် တော့ပါဘူး။

လူတော်တော်များများဟာ ပူလောင်နေကြတာများပါတယ်။ တချို့ ပစ္စည်းဥစ္စာတွေ သိပ်ချမ်းသာကြတာပါပဲ။ ဒါပေမယ့် သူတို့ လည်း ပူလောင်နေကြတာပါပဲ။

စိတ်ပူလောင်လာရင် သက်သာလို သက်သာငြားထင်မိထင်ရာ အကုသိုလ်တွေကို လုပ်ချလိုက်ကြပါတယ်။ ဒါဆိုရင် သံသရာအတွက် ပါ ကြောက်စရာကောင်းသွားရပါတယ်။

လူနှစ်မျိုးရှိပါတယ်။

စိတ်ပူလောင်နေလို့ သတိပဋ္ဌာန်အားထုတ်တဲ့သူရယ်။

ပင်ကိုယ်အားဖြင့် စိတ်ကအေးနေပေမယ့် အမြဲစိတ်ကလေးအေး နေဖို့ သတိပဋ္ဌာန်တရားအားထုတ်တဲ့သူရယ်။

ဒီတော့စိတ်ညစ်ရင်လည်း သတိပဋ္ဌာန်တရားအားထုတ်ရမှာပါ။ စိတ်ချမ်းသာရင်လည်း ဆက်ပြီးစိတ်ချမ်းသာဖို့ သတိပဋ္ဌာန်တရားပဲ အားထုတ်ရမှာပါပဲ။

တစ်ခါတုန်းက ပစ္စေကဗုဒ္ဓါလောင်းတစ်ပါးဟာ ကဿပဘုရားရှင် ရဲ့ သာသနာမှာ အနှစ် နှစ်သောင်းရဟန်းတရားကို အားထုတ်ပြီး ကွယ်လွန်တဲ့အခါ ဗြဟ္မာ့ပြည်မှာ ဖြစ်ရပါတယ်။ ဗြဟ္မာ့ပြည်ကနေ စုတေတဲ့အခါကျတော့ ဗာရာဏသီပြည် မိဖုရားကြီးရဲ့ဝမ်းမှာ ၀င်စားပါ တယ်။

ဗြဟ္မာ့ပြည်က လာတာဆိုတော့ မင်းသားငယ်က မိန်းမတွေကိုင် တာကို မကြိုက်ပါဘူး။ ရေချိုးတာပြုတာကိုလည်း ယောက်ျားတွေကပဲ ပြုပေးရပါတယ်။ နို့တိုက်တာတောင် မိန်းမတွေက ယောက်ျားအသွင် ၀တ်ပြီး တိုက်ရပါတယ်။ မိန်းမတွေရဲ့ အနံ့အသက်ကိုတောင် အလိုမရှိ တဲ့ အတွက် အိနတ္ထိဂန္ဓလို့ အမည်ပေးထားကြပါတယ်။

အရွယ်ရောက်လာတဲ့အခါ နန်းတွင်းကချေသည်တွေနဲ့ ချော့မြူဖြားယေင်းပေမယ့် မရပါဘုး။ သင့်တော်တဲ့မင်းသမီး တစ်ပါးပါး နဲ့ လက်ထပ်ဖို့ တိုက်တွန်းတာကိုလည်း လက်မခံပါဘူး။

တိုက်တွန်းပါများလာတော့ မင်းသားငယ်က အလွန်လှတဲ့မင်းမ ရွှေရုပ်တစ်ခုကို ထုစေပြီး “ ဒီလောက်လှတဲ့ မိန်းမကိုရရင် ယူမယ်“ လို့ ပြောလိုက်ပါတယ်။

အမှန်တော့မရနိုင်လောက်ဘူးထင်ပြီး မိန်းမမယူချင်လို့ပြောလိုက်

တာပါ။

အမတ်တွေ ရွှေရုပ်ကိုင်ပြီး ရှာကြတော့ မဒ္ဒရာဇ်တိုင်း၊ သာဂရမြို့ က ဘုရင့်ရဲ့သမီးတော်ကို ရခဲ့ပါတယ်။

ရလျှင်ရခြင်းပဲ အမတ်တွေက မင်းသားငယ်ဆီကို ရွှေရုပ်နဲ့တူတဲ့ မင်းသမီးရပြီလို့ သတင်းပို့လိုက်ပါတယ်။ ဒီသတင်းကြားလိုက်ရုံနဲ့တင် မမြင်ရသေးဘဲ မင်းသမီးအပေါ် ချစ်ခင်မှုရာဂတွေ ဖြစ်လာပါသတဲ့။ အဲဒီရာဂနှိပ်စက်မှုကြောင့်ပဲရထားတဲ့ ပထမဈာန်လည်း လျှောကျသွား ပါတဲ့။

မင်းသားငယ်ဟာ နေမထိ ထိုင်မသာနဲ့ တမန်စေလွှတ်ပြီး မြန် မြန်ခေါ်ခဲ့ဖို့ မှာပါသတဲ့။ ခေါ်လာရင်းမြို့အပြင် နန်းတော်နားရောက်ခါနီး မှာပဲ မင်းသမီးလေးက ကွယ်လွန်သွားပါသတဲ့။

ဒီသတင်းလည်းကြားရော မင်းသားငယ်မှာ မဟာသောကဖြစ်ရပါ တော့တယ်။

ဒါပေမယ့် မင်းသားငယ်က ပါရမီပါခဲ့သူဆိုတော့ဖြစ်နေတဲ့ သော ကရဲ့ အပြစ်ကို တူးဖြိုဖို့ အားထုတ်ပါတော့တယ်။

ဒီတော့ မင်းသားငယ်က ဆင်ခြင်ပါတယ်။ “ ဒီသောကဟာ ပဋိ သန္ဓေမနေတဲ့သူမှာ မဖြစ်ဘူး၊ ပဋိ သန္ဓေနေတဲ့သူမှာသာ ဖြစ်ရတာ၊ ဇာ တိတရားဟာ ဘ၀ကိုစွဲဖြစ်တာပဲ” လို့ ရှေးက အားထုတ်ခဲ့ဖူးတဲ့ ဘာဝ နာရဲ့ အစွမ်းနဲ့ဆင်ခြင်ပါတယ်။ ဆင်ခြင်တဲ့အခါ အပြန်အလှန် ပဋိစ္စသ မုပ္ပါဒ်ကို မြင်ပြီး ၀ိပဿနာတရား ဆက်ရှုမှတ်လိုက်တာ ပစ္စေကဗုဒ္ဓါ အရှင်မြတ် ဖြစ်သွားပါတော့တယ်။

(သုတ္တနိပါတ်အဋ္ဌကထာ၊ ပထမတွဲ၊ နှာ ၆၀၊ ၆၁၊ ၆၂)

မင်းသားငယ်ဟာ သောကတော့ ဖြစ်လိုက်ပါတယ်။ ဒါပေမယ့် ဖြစ်နေတဲ့သောကကို ပြန်သိလိုက်ပါတယ်။ သိတဲ့အခါ တရားသဘော နဲ့ ပြန်ဆင်ခြင်ပါတယ်။ ဆင်ခြင်လိုက်တဲ့အခါ ဖြစ်နေတဲ့သောက က ပျောက်သွားပါတယ်။ ဆင်ခြင်လို့ရရှိတဲ့ တရားသံဝေဂအသိကိုပဲ အခြေ ခံပြီး ၀ိပဿနာဆက်ပွားပါတယ်။ နောက်ပစ္စေကဗုဒ္ဓါ အရှင်မြတ်ဖြစ် သွားပါတယ်။

တဆင့်ချင်း တစ်ဆင့်ချင်း တစ်ကွက်ချင်း တစ်ကွက်ချင်း ဖြစ်ဖြစ် သွားပုံလေးက သက်ရှိတကယ့်တီဗွီဇာတ်လမ်းလေး တစ်ခုလိုပါပဲ။ သိပ်အားကျဖို့လည်းကောင်းတာပါ။ သောကတော့ ဖြစ်လိုက်ပါတယ်။ ဖြစ်လာတဲ့သောကကိုပဲ အခြေခံပြီး အမြတ်ဆုံးပန်းတိုင်တစ်ခုကို ရောက်အောင် လှမ်းတက်လိုက်တာပါ။

ဒီတော့ ကိုယ်သောကဖြစ်လာတဲ့အခါ ပါရမီမပြည့်သေးလို့ တရားထူးမရသေးဦးတော့ ဖြစ်နေတဲ့သောကကို ပထမသိလိုက်ရပါ မယ်။ သိတာနဲ့သောကဖြစ်ကြောမရှည်အောင် တစ်နည်းနည်းနဲ့ ဖြတ်ချလိုက်နိုင်ရပါမယ်။

ဘယ်သူပဲဖြစ်ဖြစ် စိတ်ချမ်းသာချင်တဲ့သူချည်းပါပဲ။ စိတ်မချမ်း သာချင်တဲ့သူ ဘယ်သူမှ မရှိပါဘူး။ ဒါပေမယ့် တချို့ကျတော့ မိသားစု ကာမဂုဏ်အာရုံထက်ကျော်လွန်ပြီး ပညာရှိတွေကဲ့ရဲ့တဲ့ လောကပြစ် ဓမ္မပြစ်သင့်စေတဲ့ တဏှာနဲ့ပဲ စိတ်ချမ်းသာမှုကို ရှာကြတာပါ။ တချို့ကျတော့ တရားနဲ့ပဲရှာကြတာပါ။

တဏှာနဲ့ ရှာတဲ့အခါ အခိုက်အတန့်တော့ စိတ်ချမ်းသာသလို ထင်ရပေမယ့် နောက်တော့လည်း စိတ်ဆင်းရဲရတာပါပဲ။ ကာမဂုဏ် အာရုံတွေနောက်ကို လိုက်နေတဲ့သူဟာ ဘယ်တော့မှ စိတ်မချမ်းသာ နိုင်ပါဘူး။ နောက်ဆုံး စိတ်ဓာတ်တွေကျပြီး လုပ်မိလုပ်ရာတွေလုပ်ရင်း ပျက်စီးသွားရတော့တာပါ။ ကာမဂုဏ်နောက်ကို လိုက်နေတဲ့သူဟာ “တရားသံ” ကြားရင် သိပ်နားခါးတာပါ။ ဒါကတရားရဲ့ အရသာကို မသိ သေးလို့ပါ။ နောက်ဆုံးစမ်းကြည့်တဲ့အနေနဲ့ ရိပ်သာတစ်ခုခုမှာ ပေတေ ပြီး ဆယ်ရက်လောက်ဝင်ပစ်လိုက်စမ်းပါ။ ကိုယ့်မှာ တရားပါရမီပါမလာ ဘူးလို့ ဘယ်သူပြောနိုင်မှာလဲ။ တကယ်တရားအရသာကို သိသွားတဲ့ အခါ ကိုယ်တစ်ချိန်က အပျော်လိုက်ခဲ့တာတွေကိုတောင် ရှက်ပြီးရင်း ရှက်နေတော့မှာပါ။

တကယ်တော့ “ဘ၀ကို ဘယ်လိုနေမလဲ” ဆိုတဲ့မေးခွန်းကို မကြာခဏ စဉ်းစားရမှာပါ။ စဉ်းစားတဲ့အခါ တရားနဲ့ မနီးစပ်တဲ့သူကျ တော့ တရားကိုဖယ်ပြီး စဉ်းစားလိုက်တာပါ။ ဒီတော့ အဓိကမကျတာ

တွေဘဲ အာရုံညွတ်ချလိုက်တော့တာပါ။ စဉ်းစားတဲ့အခါ တရားနဲ့ယှဉ် ပြီး စဉ်းစားနိုင်ရပါမယ်။ ဒါမှ အမှန်ဆီကို ပို့ပေးနိုင်တာပါ။

ကိုယ့်အတွက် အားကိုးရာ မြတ်စွာဘုရားဟောကြားထားတဲ့ တရားတော်တွေရှိတယ်ဆိုတာ သိထားပေးလိုက်စမ်းပါ။ တရားတော် တွေထဲမှာ လောကီကြီးပွားရေးတွေကော၊ လောကုတ္တရာကြီးပွားရေး တွေကော အပြည့်အစုံဟောထားတာပါ။

ဒီစကားတွေပြောတော့ အဲဒီစာရေးနေတဲ့သူကကော တရားတွေ ဘယ်လောက်ရှိနေလို့လဲလို့ မေးချင်မေးစရာပါ။ ဘယ်လောက်မှမရှိပါ ဘူး။ အပူတချို့နဲ့ တစ်ခါတလေ ကြုံရတတ်လို့ ကိုယ်ချင်းစာစိတ်နဲ့ တရားနည်းမျှဝေတာပါ။ စိတ်ညစ်တဲ့အခါ တရားနဲ့ ထွက်ပေါက်ရှာနိုင် အောင်လို့ပါ။ လောကရဲ့ မမြဲတဲ့ သဘောတွေကို ဉာဉ်ဖြစ်ပြီး မသိဦး တော့၊ ဆင်ခြင်သိနဲ့ သိလိုက်နိုင်တယ်ဆိုရင်ပဲ တော်တော်လေးဟုတ် သွားပါပြီ။

ဘာပဲဖြစ်ဖြစ် စိတ်မညစ်ပါနဲ့။ သတိပဋ္ဌာန် ရှိပါတယ်။

တောသား

ရဝေနွယ် – အင်းမ ( ဖြစ်ပြီးတဲ့အကုသိုလ် ဘယ်လိုပယ်မလဲ )

ဖြစ်ပြီးတဲ့အကုသိုလ်ကို

ဘယ်လိုပယ်မလ

4 Responses

  1. ဘုန်းဘုန်း ရေးသွားတဲ့ စာတွေ အရမ်းကောင်းတယ်။ တပည့်တော်လည်း
    တခါတလေတရား စိတ်လေးနဲ့ ငြိမ်းချမ်းနေရင် အကုသိုလ်စိတ် မရှိတော့
    သလို ခံစားနေရတယ်။အာနာပနကမ္မဌာန်းနဲ့တရားအားထုတ်ရင် စိတ်
    အေးချမ်းတယ်၊အသုဘကမ္မဌာန်းနဲ့အားထုတ်ကြည့်တဲ့အခါ တဏှာစိတ်
    လေးတွေ ပျောက်သွားသလို ခံစားနေရပါတယ် ဘုန်းဘုန်းဘုရား။
    ဘုန်းဘုန်း တရားဒေသနာတော်တွေကိုလည်း လာရောက် မှတ်သားဖတ်ရှုပြီး၊ဖတ်ရှုချိန်မှာ တရားရဲ့အရိပ်အငွေ့အသက်နဲ့ ဖတ်ရင်း၊အား
    ထုတ်နေသလို ခံစားနေရပါတယ်ဘုရား……။

    • ကိုညီညီရေ…
      အခုလို လာရောက်ဖတ်ရှုတာ ကျေးဇူးအများကြီးတင်ပါတယ်။ နောက်လည်းလာလည်ပါဦးလို့…. နောက်ပြီးတော့ ပြောချင်တာလေးတခုက ကျွန်တော်တို့ ဒီဘလော့ကိုရေးသားသူတွေဟာ ရဟန်းသံဃာတွေမဟုတ်ပါဘူး… သာမန် ပုထုဇဉ်တွေပါ။ ကျွန်တော်သူရိယ၊ သူငယ်ချင်း တောသား၊ သူငယ်ချင်းစန္ဒာ၊ ညီမ ကြယ်စင်တို့ ၄ ယောက်ပေါင်းပီး တတ်နိုင်သလောက်လေးဓမ္မဒါန ပြုတာပါဗျာ. သာမန် လောကီလူသားတွေပါ။

      ခင်မင်လျှက်
      သူရိယ

    • ဟီး…..မှားပြန်ပြီ … 😛

  2. ဒုတိယ အတန်းထဲမှာတော့ ပါအောင် ကြိုးစားကြည့်မယ်…🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: